বৰ্ণৰ উচ্চাৰণ [Assamese Grammar]

Assamese Grammar


অসমীয়া ভাষাৰ বৰ্ণবিলাকৰ উচ্চাৰণত ভিন্নতা দেখা যায়। উদাহৰণস্বৰূপে-


১। অসমীয়া ভাষাত অ আৰু এ দুই ধৰণে উচ্চাৰিত হয়। এক প্ৰকাৰে কণ্ঠৰ পৰা আৰু আন প্ৰকাৰে মূৰৰ পৰা। যেনে:-


অ- কণ্ঠৰ পৰা- অলপ, অকামিলা, অকলৈ।

অ- মূৰৰ পৰা- অগুণ, অতি, অতীজত, অচিনাকী।

এ- কণ্ঠৰ পৰা- এটা, এক, এঙ্গাৰ, এওঁ।

এ- মূৰৰ পৰা- এটি, এই, এতিয়া।


২। অসমীয়া ভাষাত শব্দৰ শেষত থকা ব্যঞ্জনবৰ্ণৰ অ-কাৰ উচ্চাৰিত নহয়। যেনে:- মানুহ্, জান্, ঘৰ্, আম্, নাৰিকল্ ইত্যাদি। অৱশ্যে শব্দৰ শেষ বৰ্ণৰ উচ্চাৰণ কৰোঁতে অ উচ্চাৰণ নকৰিলেও হসন্ত চিন দিয়া নহয়, তাক উচ্চাৰণ অনুসৰিয়েই জনিব পাৰি।


৩। কিছুমান শব্দৰ শেষত ব্যঞ্জনৰ অ-কাৰ উচ্চাৰিত হয়। যেনে:- কাছ, গাধ, নাৰ, পাৰ, নৱ, পাভ, এঘাৰ, বাৰ, তেৰ, চৈধ্য, পোন্ধৰ ইত্যাদি।


৪। শব্দৰ শেষত যুক্তাক্ষৰ থাকিলে ব্যঞ্জনৰ অ-কাৰ উচ্চাৰিত হয়। যেনে:- কৃষ্ণ, দুষ্ট, বন্ধ, দত্ত, যত্ন, ৰত্ন, কৰ্ম, ভদ্ৰ ইত্যাদি।


৫। শব্দৰ শেষত ৱ থাকিলে তাৰ অ-কাৰ উচ্চাৰিত হয়। যেনে:- ভৱ, নৱ, শিৱ, জীৱ, দেৱ ইত্যাদি।


৬। শব্দৰ শেষত ব্যঞ্জনৰ আগত যদি অনুস্বাৰ থাকে, তেন্তে শব্দৰ শেষৰ ব্যঞ্জনৰ অ-কাৰ উচ্চাৰিত হয়। যেনে:- বিংশ, সিংহ, মাংস, বংশ, ধ্বংশ ইত্যাদি।


৭। অসমীয়া ভাষাত ‘ঞ’ শব্দৰ আদিত ব্যৱহাৰ নহয়। ই শব্দৰ মাজত বা পাচত থাকিলে ইয়ঁ-ৰ দৰে উচ্চাৰিত হয়। যেনে:- জিঞা, ভূঞা, গঞা ইত্যাদি। অন্যহাতে ‘ঞ’ ‘জ’ৰ পাচত যোগ হ’লে ‘গ্যঁ’ৰ দৰে উচ্চাৰিত হয়। যেনে:- জ্ঞান, বিজ্ঞান, যজ্ঞ ইত্যাদি। ইয়াৰ উপৰি ‘ঞ’ চ, ছ, জ ৰ লগত যোগ হ’লে ‘ন’ৰ দৰে উচ্চাৰিত হয়। যেনে:- কিঞ্চিৎ, বাঞ্ছা, ব্যঞ্জন ইত্যাদি।


৮। ঈ আৰু ঊ ৰ উচ্চাৰণ ই আৰু উ ৰ নিচিনা হয় আৰু চ, ছ সংস্কৃত ভাষাৰ ‘স’ৰ দৰে উচ্চাৰিত হয়। জ, ঝ, য তিনিটা বৰ্ণই ‘জ’ৰ দৰে উচ্চাৰিত হয়। যেনে:-


যম – জম

যত্ন – জত্ন

ঝাৰু – জাৰু

ঝাৰ – জাৰ ইত্যাদি।


৯। য়- শব্দৰ মাজত বা শেষত ব্যবহাৰ হয় আৰু ইয়াৰ উচ্চৰণ ‘অ’ৰ দৰে হয়। যেনে:- নাৰায়ণ, ৰামায়ন, ধনীয়ে ইত্যাদি।


১০। শ, ষ, স আন কোনো ব্যঞ্জনত যোগ হ’লে সিহঁতৰ উচ্চৰণ সংস্কৃতৰ দৰে হয়। যেনে:- বিশ্বাস, আস্থা, অষ্টম ইত্যাদি। অন্যহাতে ই ৰেফযুক্ত হ’লে সিহঁতৰ উচ্চৰণ বেলেগ হয়। যেনে:- স্পৰ্শ, বৰ্ষ, বিমৰ্ষ ইত্যাদি।


১১। হ আখৰত য যোগ হ’লে ঝ আখৰ সংস্কৃত ভাষাত যি ধৰণে উচ্চাৰিত হয় অসমীয়া ভাষাতো সেইদৰে উচ্চাৰিত হয়। যেনে:- সহ্য (সঝ্য), গ্ৰাহ্য (গ্ৰাঝ্য) ইত্যাদি।


info: https://amiasomiya.wordpress.com

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad

DOWNLOAD ASSAMESE GK APP DOWNLOAD
GK IN ASSAMESE LANGUAGE
Join Our Telegram Channel ইয়াত ক্লিক কৰক
Like our Facebook Page ইয়াত ক্লিক কৰক
Disclaimer: সকলো তথ্য বিভিন্ন উৎসৰ পৰা সংগ্ৰহ কৰা হৈছে। কেতিয়াবা যিকোনো ত্ৰুটি দেখা যাব পাৰে, সেই পৰিস্থিতিত আমাক কমেন্ট কৰি জনাবলৈ অনুৰোধ জনোৱা হল। লগতে, আমি (www.assamesegk.info), ইয়াত প্ৰদান কৰা যিকোনো তথ্যৰ ওপৰত কোনো আইনী দায়িত্ব নলও। ইয়াত, সকলো তথ্য কোনো আইনী ব্যৱহাৰ অবিহনে শিক্ষাৰ উদ্দেশ্যে প্ৰদান কৰা হৈছে।